2025 жылғы 14 сәуірде Қазақстанда Ғылым күніне орай «Құқық» академиялық мектебі «Құқықтық ғылым мен білім берудің қазіргі заманғы мәселелері» атты 7-ші Халықаралық ғылыми-практикалық конференцияны ұйымдастырып, өткізді. Конференция цифрландыру, құқықтық институттардың трансформациясы және халықаралық ынтымақтастық жағдайында құқықтық ғылым мен білім берудің өзекті мәселелеріне арналды.
Конференцияға Ресей, Беларусь, Өзбекстан және Тәжікстан елдерінен келген ғалымдар, оқытушылар мен тәжірибелі заңгерлер, сондай-ақ Қазақстанның жетекші жоғары оқу орындарының профессорлық-оқытушылық құрамы (әл-Фараби атындағы ҚазҰУ, Абай атындағы ҚазҰПУ, Д.Қонаев атындағы университет, Қорқыт Ата атындағы университет (Қызылорда), Buketov University (Қарағанды қ.), Ш.Есенов атындағы Каспий университеті (Ақтау), І.Жансүгіров атындағы Жетісу университеті (Талдықорған), Қ.А.Ясауи атындағы ХҚТУ (Түркістан қ.) және т.б.) қатысты. Конференцияның арнайы қонақтары – ҚР ҰҚК Шекара академиясының курсанттары, оларды Ғылыми қызмет басқармасының аға қызметкері Нурташева Г.Э. бастап келді.
Конференция барысында заң білімінде инновациялық тәсілдерді енгізудің маңыздылығы, жаһандық трансформация жағдайында құқықтық ғылымды дамытудың басым бағыттары талқыланып, ұлттық заңнаманы жаңғырту бойынша ұсыныстар әзірленді.
Пленарлық отырыстан кейін конференция қатысушылары келесі бағыттар бойынша секциялық отырыстарда жұмысын жалғастырды:
Конференция қорытындысы бойынша 90-нан астам сараптамалық мақалалардан тұратын электрондық ғылыми жинақ жарық көрді. Жинақ университеттің ресми сайтында ашық қолжетімділікте орналастырылған.
Қазақша
Русский
English
