Ғылыми кеңес

ҒЫЛЫМИ КЕҢЕС ректордың бұйрығымен құрылады және Университетті ұжымдық басқарудың бір түрі болып табылады.

ҒЫЛЫМИ КЕҢЕСТІҢ қызметі оның құзыретіне кіретін мәселелерді ашық әрі жария түрде талқылауға негізделеді.

ҒЫЛЫМИ КЕҢЕСТІҢ қызметінің мақсаттары:

• білім алушылар мен университеттің профессорлық-оқытушылық құрамына білім беру бағдарламаларын табысты іске асыру үшін қажетті жағдайларды жасау туралы шешімдер қабылдау;
• қаржылық қолдауды қамтамасыз ету, университеттің материалдық-техникалық базасын нығайту;
• университеттің одан әрі дамуына ықпал ету.

ҒЫЛЫМИ КЕҢЕСТІҢ құзыретіне мыналар жатады:

• Университеттің құрылымын бекіту;
• Университет Жарғысына өзгерістер мен толықтырулар енгізу;
• Университеттің оқу және ғылыми бөлімшелерін құру, қайта ұйымдастыру және тарату;
• Университетті дамыту тұжырымдамасын айқындау;
• Университеттің оқу-тәрбие, ғылыми-зерттеу және шаруашылық қызметін ұйымдастыруға байланысты барлық негізгі мәселелер бойынша шешімдер қабылдау;
• ректордың, проректорлардың, құрылымдық бөлімшелер басшыларының оқу, ғылыми-зерттеу, тәрбие, қаржылық, шаруашылық, ақпараттық және халықаралық қызметтің түрлері мен әдістері туралы жыл сайынғы есептерін тыңдау;
• оқулықтар, оқу құралдары мен оқу-әдістемелік әзірлемелерді баспаға ұсыну және қарастыру;
• ақылы бөлімде оқитын студенттерді білім беру грантына немесе экстернат түрінде оқытуға ауыстыру туралы шешім қабылдау;
• магистранттардың диссертациялық зерттеулері бойынша тақырыптарын және ғылыми жетекшілерін-консультанттарын бекіту;
• Университеттің қаржылық-шаруашылық қызметіне бақылау ұйымдастыру;
• ғылыми және құрметті атақтарды, атаулы стипендиялар мен сыйақыларды бекіту және беру;
• университет қызметкерлерін, шығармашылық ұжымдарды үкіметтік наградалар мен құрметті атақтарға ұсыну мәселелерін қарау;
• ұжымдық шешімді қажет ететін Университеттің ағымдағы қызметіне байланысты басқа да мәселелерді қарау.

ҒЫЛЫМИ КЕҢЕС ҚҰРАМЫНА Кеңес төрағасы — ректор, проректорлар, департамент директорлары, академиялық мектептер мен құрылымдық бөлімшелердің басшылары, профессорлық-оқытушылық құрам, студенттік және қоғамдық ұйымдардың өкілдері, сондай-ақ жұмыс берушілер кіреді.

ҒЫЛЫМИ КЕҢЕС өз жұмысын оқу жылына арналған бекітілген жұмыс жоспарына сәйкес ұйымдастырады. ҒЫЛЫМИ КЕҢЕС ОТЫРЫСТАРЫ оқу жылына арналған бекітілген жоспарға сәйкес айына кемінде бір рет өткізіледі, қажет болған жағдайда Ғылыми кеңестің кезектен тыс отырыстары өткізіледі.