Қамқоршылық кеңесі

Қамқоршылық кеңесі – Университеттің алқалық басқару органы болып табылады және дара басшылық пен алқалылық қағидаттарына сүйене отырып қызмет атқарады.

Қамқоршылық кеңесі Университет әкімшілігімен, жергілікті атқарушы органдармен, мүдделі мемлекеттік органдармен және өзге де жеке және/немесе заңды тұлғалармен өзара іс-қимыл жасайды.

Қамқоршылық кеңестің миссиясы – Университеттің тиімді жұмыс істеуіне және дамуына, «Q University» рөлінің білім беру және әлеуметтік саладағы артуына, материалдық-техникалық базаның жақсаруына, Университет қызметінің қаржылық қолдауына жәрдемдесу, аумақтық басқару органдарымен, мекемелермен, ұйымдармен/кәсіпорындармен неғұрлым тиімді өзара әрекеттестікті қамтамасыз ету.

Қамқоршылық кеңестің негізгі міндеттері:

• Университеттің өзекті және болашақ дамуына қатысты міндеттерді шешуге жәрдемдесу, оның қызметі мен дамуын қамтамасыз ету үшін қаржылық және материалдық емес құралдар мен қосымша ресурстар тарту;
• Университеттің үздіксіз қызметін қамтамасыз етуге, даму стратегиясы мен бағдарламаларын – білім беру, халықаралық, ғылыми, техникалық және мәдени ынтымақтастық бағыттарында қалыптастыруға жәрдемдесу;
• Білім беру процесіне қатысушылардың құқықтарының сақталуын қоғамдық бақылауды қамтамасыз ету, сонымен қатар Университет қажетіне заңды және жеке тұлғалардан түскен мақсатты жарналар мен ерікті қайырымдылықтардың пайдаланылуына қоғамдық бақылау жүргізу;
• Білім беру процесін жетілдіруге және білім беру сапасын арттыруға қатысу.

Қамқоршылық кеңестің құрамы – жергілікті өкілді, атқарушы және құқық қорғау органдарының, жұмыс берушілер мен әлеуметтік серіктестердің, коммерциялық емес ұйымдардың (бар болса) және қайырымдылық жасаушылардың (бар болса) өкілдері қатарындағы жеке тұлғалардан қалыптастырылады. Кеңес мүшелері өз өкілеттіктерін өтеусіз негізде жүзеге асырады және жұмысын оқу жылына арналған бекітілген жұмыс жоспарына сәйкес ұйымдастырады.

Қамқоршылық кеңес мүшесінің өкілеттігі – Университеттің дамуына бағытталған шараларды әзірлеуге және іске асыруға қатысу, Университеттің Ғылыми кеңесі мен оның құрылымдық бөлімшелерінің отырыстарына қатысу, Университеттің басқа басқару органдарының жұмысына атсалысу мүмкіндігіне ие.

Қамқоршылық кеңестің отырыстары – оқу жылына арналған бекітілген жұмыс жоспарына сәйкес, жылына кемінде бір рет өткізіледі, офлайн не онлайн форматта. Қамқоршылық кеңес шешімдері отырысқа қатысушы кеңес мүшелерінің ашық дауыс беру арқылы көпшілік дауыспен қабылданады.