Әлеуметтік әріптестік

«Q University» мекемесінің «Құқық» академиялық мектебі отбасыларды қолдауға және халықтың құқықтық сауаттылығын арттыруға бағытталған әлеуметтік бастамаларды белсенді түрде дамытып келеді.

Мектептің серіктестерінің бірі — аналар мен ерекше қажеттіліктері бар балаларды тәрбиелеп отырған отбасыларды қолдаумен айналысатын «Мама Pro» Қоғамдық қорының Алматы қаласындағы филиалы.

2026 жылғы 25 ақпанда мектеп өкілдері қор ұйымдастырған «Мама Pro: өсу энергиясы» форумына қатысты. Іс-шарада «Құқық» академиялық мектебінің атынан заң ғылымдарының кандидаты, тәжірибелі заңгер Жусупов А.А. қатысты. Форум аясында ол сарапшы ретінде сөз сөйлеп, қатысушылармен отбасылардың құқықтық қорғалуының өзекті мәселелерін талқылады.

Форумға қатысқаны және көрсеткен құқықтық көмегі үшін Жусупов А.А. ұйымдастырушылар тарапынан алғыс хатпен марапатталды.

Сонымен қатар, одан әрі ынтымақтастық аясында университеттің Заң клиникасы базасында тегін заңгерлік кеңестер беру ұйымдастырылды. Кеңестерді тәжірибелі оқытушылар мен тәлімгерлердің жетекшілігімен жоғары курс студенттері өткізеді.

Заң клиникасы әртүрлі құқықтық мәселелер бойынша көмек көрсетеді, соның ішінде:
•әлеуметтік төлемдер мен жеңілдіктерді рәсімдеу;
•білім беру және денсаулық сақтау органдарымен өзара іс-қимыл жасау;
• азаматтардың мүліктік және жеке құқықтарын қорғау.

Жоба сондай-ақ студенттердің тәжірибелік дағдыларын дамытуға ықпал етеді, оларға оқытушылардың жетекшілігімен нақты құқықтық мәселелермен жұмыс істеу тәжірибесін алуға мүмкіндік береді.