«Азаматтық процестік заңнамадағы өзгерістер аясындағы сот практикасын талдау» тақырыбындағы дөңгелек үстел

2026 жылғы 23 қазанда «Құқық» академиялық мектебінде «Азаматтық процестік заңнамадағы өзгерістер аясындағы сот практикасын талдау» тақырыбында дөңгелек үстел өтті. Іс-шараны мектеп оқытушылары: PhD докторы Әдема Бақытбекқызы Бидайшиева, аға оқытушылар Мария Советовна Жумаева және Анастасия Олеговна Мадзигон ұйымдастырды.

Іс-шараға мектептің профессор-оқытушылар құрамы, сот органдарының өкілдері, тәжірибелі заңгерлер, адвокаттар, сондай-ақ «Құқық» білім беру бағдарламасының магистранттары мен студенттері қатысты.

Дөңгелек үстелдің мақсаты азаматтық процестік заңнамадағы өзекті өзгерістерді және олардың сот практикасында көрініс табуын талқылау, құқық қолдану барысында туындайтын проблемалық мәселелерді анықтау және процестік нормаларды біркелкі қолдануға бағытталған практикалық ұсынымдар әзірлеу болды.

Баяндамалармен сөз сөйлегендер:

— Алматы қалалық сотының судьясы Багдагуль Досмагуловна Бияхметова;

— «Құқық үстемдігі институты» Қамқоршылық кеңесінің төрағасы, заң ғылымдарының кандидаты, «Тұран» университетінің қауымдастырылған профессоры Азамат Сағындықұлы Төлеуов;

— Каспий қоғамдық университеті «Әділет» жоғары құқық мектебінің қауымдастырылған профессоры, Қазақстан Республикасы Заңнама және құқықтық ақпарат институтының бас ғылыми қызметкері Нұржан Ришатұлы Мақсатов;

— Каспий қоғамдық университеті «Әділет» жоғары құқық мектебінің сеньор-лекторы, «Құқықтық қорғау және заң қызметтерін көрсету орталығы» заң консультанттары палатасының төрағасы Олжас Төлегенұлы Әлімов;

— тәжірибелі заң консультанты Алексей Андреевич Сон;

— заң ғылымдарының кандидаты, қауымдастырылған профессор, «Бизнес-заңгер» жеке кәсіпкерлігінің өкілі Алмат Асылбекович Жусупов.

Соттар мен тараптар өкілдерінің қызметінде туындайтын практикалық жағдайларға ерекше назар аударылды. Сот практикасынан алынған нақты мысалдар негізінде қатысушылар Қазақстан Республикасының Азаматтық процестік кодексінің жекелеген ережелерін түсіндіруге байланысты мынадай мәселелерді талқылады: электрондық дәлелдемелерді ұсыну, зерттеу және бағалау ерекшеліктері; азаматтық сот ісін жүргізуде цифрлық технологияларды қолдану; татуластыру рәсімдерін дамыту және дауларды сотқа дейін реттеу практикасы; сот актілерін қайта қараудың өзекті мәселелері; процестік заңнама нормаларының біркелкі қолданылуын қамтамасыз ету.

Талқылау ашық кәсіби диалог форматында өтті. Қатысушылар азаматтық процестік заңнаманы одан әрі жетілдіру, сондай-ақ азаматтар мен ұйымдардың құқықтары мен заңды мүдделерін сот арқылы қорғау сапасын арттыру мәселелері бойынша пікір алмасты.

Дөңгелек үстелдің қонағы — Каспий қоғамдық университеті «Әділет» жоғары құқық мектебінің сеньор-лекторы, «Құқықтық қорғау және заң қызметтерін көрсету орталығы» заң консультанттары палатасының төрағасы Олжас Төлегенұлы Әлімов университет кітапханасына өзінің «Шарттық құқық» және «Міндеттемелік құқық» атты авторлық оқу құралдарын сыйға тартты.

Дөңгелек үстелдің өткізілуі азаматтық процестік заңнамадағы өзгерістерді түсіндірудің ғылыми және практикалық тәсілдерін ұштастыруға ықпал етті. Іс-шара кәсіби тәжірибе алмасудың және университет пен заң қоғамдастығы өкілдері арасындағы ынтымақтастықты нығайтудың маңызды алаңына айналды.

Ұйымдастырушылар барлық қатысушыларға алғыс білдіріп, Қазақстан Республикасының заңнамасы мен сот практикасының өзекті мәселелерін талқылауға бағытталған осындай кездесулерді алдағы уақытта да жалғастыру қажеттігін атап өтті.