«Психология және журналистика» академиялық мектебінің пәнаралық дөңгелек үстелі

22 тамыз 2025 жылы Q University базасында «Отбасы құндылықтары және неке беріктігі: құқықтық және психологиялық аспектілер, дағдарыстық жағдайлардың алдын алу және шешу жолдары» тақырыбында пәнаралық дөңгелек үстел өткізілді.

«Құқық», «Психология және журналистика» академиялық мектептерімен және заң гылымдарының кандидаты Айтжан Б.Е. басқаратын «Global Professional Development» оқу орталығымен бірлесіп ұйымдастырылған іс-шара университеттің білім беру, ғылыми және тәжірибелік қызметін интеграциялаудың айқын мысалына айналды.

Іс-шараның білім беру және ғылыми маңыздылығы мыналардан тұрды:

·     Білім синтезі: Дөңгелек үстел студенттер мен оқытушыларға өзекті әлеуметтік мәселені заң және психология деген екі ғылыми пәндің тұрғысынан қарауға бірегей мүмкіндік жасады, бұл білім беруде пәнаралық тәсілді қалыптастыруға ықпал етеді.

·     Тәжірибемен байланыс: Пікірталасқа университеттің жетекші ғалымдары ғана емес, сонымен қатар тәжірибелі сарапшылар да қатысты, бұл студенттерге өзекті кәсіби кейстер мен озық тәжірибені жеткізуге мүмкіндік берді.

·     Soft skills дағдыларды дамыту: Іс-шара оқушыларда сыни тұрғыдан ойлау, коммуникациялық дағдылар мен күрделі әлеуметтік мәселелер бойынша кәсіби диалог жүргізу білігін дамытуға арналған платформа ретінде қызмет етті.

Дөңгелек үстелдің жұмысына қатысушылар:

Модератор ретінде Максатов Н.Р., PhD докторы, жеке кәсіпқой заңгер, қоғам қайраткері, блогер.

·     Шақырылған сарапшылар: кәсіби психолог Батырханұлы Т. және «Дәстүрлі халықтық медицина, психологтар мен емшілер мамандарының Халықаралық Бірлестігі» КЕ АҚ президенті Қожалымов А.З.;

·     Q University университетінің профессор-оқытушылар құрамы: Еркинбекова М.А., Бидайшиева А.Б., Сатанова Л.М., Бектурсын М., Турунтаева А.А.;

·     Қоғамдық қайраткерлер, сондай-ақ сәйкес бағыттардың студенттері және магистранттары.

Дөңгелек үстелдің тәжірибелік қорытындысы университеттің оқу-әдістемелік жұмысымен тікелей байланысты болып, DOGMA журналында материалдар жинағының жарық көруі және әдістемелік ұсыныстар әзірленуі болады. Бұл материалдар оқу процесіне заң және психология циклінің пәндері бойынша сабақтарда пайдалану үшін интеграцияланады, бұл білім беру бағдарламаларын өзекті мазмұнмен байытуға мүмкіндік береді.

Осындай іс-шараны өткізу университет рөлін тек білім беру орны ретінде ғана емес, сонымен қатар маңызды әлеуметтік мәселелерді шешуге нақты үлес қосатын сараптамалық-аналитикалық орталық ретінде бекітеді.