«Психология» білім беру бағдарламасының 3-курс студенттерінің №54 И.В. Панфилов атындағы мамандандырылған мектеп-лицей базасындағы практикалық сабағы

«Білім беру ұйымдарындағы психологиялық қызмет» пәні аясында «Психология» білім беру бағдарламасының 3-курс студенттері Қазақстан-Ресей мамандандырылған №54 И.В. Панфилов атындағы мектеп-лицейінде практикалық сабақтан өтті.

Сабақты доцент Христофорова Валентина Келсеевна жүргізді. Ол студенттерді мектептегі психологиялық қызметтің құрылымы, міндеттері және қазіргі заманауи жұмыс бағыттарымен таныстырып, нақты кәсіби жағдайларға негізделген практикалық тапсырмалар ұйымдастырды.

Практиканың маңызды бөлігі – мектептің педагог-психологы Окасова Венера Константиновнамен кездесу болды. Ол «Кайнар» университетінің (бакалавриат және магистратура) түлегі. Венера Константиновна өзінің кәсіби тәжірибесімен бөлісіп, диагностикалық, профилактикалық және кеңес беру жұмыстарының элементтерін көрсетті, сондай-ақ көпұлтты ортадағы психологиялық сүйемелдеудің ерекшеліктерін түсіндірді.

Практикалық сабақ барысында студенттер:

·            мектеп психологиялық қызметінің құрылымы мен бағыттарын зерттеді;

·            педагог-психологтың практикалық жұмысын бақылап, әдістемелік материалдармен танысты;

·            құжаттаманы жүргізу, жоспарлау және кәсіби этика мәселелерін талқылады;

·            маманның кәсіби құзыреттері мен жауапкершілігін нақты мысалдар арқылы қарастырды.

Мұндай практикалық сабақтар болашақ психологтардың кәсіби дағдыларын нығайтып, білім беру мекемелерінде жұмыс істеуге дайындығын арттырады.