Университеттің заң клиникасының қызметі аясындағы көшпелі заң консультациясы

2026 жылғы 17 қыркүйекте Университеттің заң клиникасының қызметі аясында «Мама Pro» қоғамдық қоры филиалының базасында көшпелі заң консультациясы өткізілді. Консультацияны «Құқық» академиялық мектебінің заң ғылымдарының кандидаты, доцент Жусупов Алмат Асылбекұлы жүргізді.

Консультация барысында азаматтарға жылжымайтын мүлікпен мәмілелер жасасуға байланысты мәселелер бойынша тегін заң көмегі көрсетілді. Атап айтқанда, пәтерді сату және сатып алу кезінде туындайтын құқықтық тәуекелдер, риэлторлармен өзара іс-қимыл жасау ерекшеліктері, сондай-ақ тиісті шарттарды жасасу кезінде назар аударуды қажет ететін құқықтық аспектілер түсіндірілді.

Сонымен қатар, ерлі-зайыптылардың бірлесіп жинаған мүлкін бөлу, неке шартын жасасу және оның талаптарын айқындау, алименттік міндеттемелерді орындау, сондай-ақ отбасылық және азаматтық-құқықтық қатынастар саласында туындайтын өзге де мәселелер қаралды.

Көшпелі заң консультациясын өткізу азаматтарға өздерін қызықтырған мәселелер бойынша білікті құқықтық түсіндірмелер алуға, сондай-ақ заңнамада көзделген өз құқықтары мен заңды мүдделерін қорғау тәсілдері мен тетіктерімен танысуға мүмкіндік берді.

Азаматтарға құқықтық көмек көрсетуге, олардың құқықтық сауаттылығы мен құқықтық мәдениетінің деңгейін арттыруға бағытталған заң клиникасының қызметі Университеттің әлеуметтік және білім беру миссиясының маңызды құрамдас бөлігі болып табылады.