Әдістемелік семинар «Құқықтық пәндерді оқытудың әдістемелік ерекшеліктері: білім берудің қазіргі даму кезеңі»
2025 жылдың 26 ақпанында «Q University» әдістемелік семинарлар жоспары аясында «Құқық» академиялық мектебінің аға оқытушысы А.Б. Бидайшиева «Құқықтық пәндерді оқытудың әдістемелік ерекшеліктері: білім берудің қазіргі даму кезеңі» тақырыбында әдістемелік семинар өткізді.
Семинардың негізгі мақсаты – 6В042 «Құқық» білім беру бағдарламасы бойынша дәріс және тәжірибелік сабақтарды өткізу барысында жинақталған жеке педагогикалық тәжірибені талдау және оны білім беру процесіне енгізу болды.
Семинар барысында баяндамашы оқу үдерісін ұйымдастыру мен өткізудің тиімді тәсілдерімен бөлісті. Атап айтқанда, кейс-стади, фронталды блиц-сұрақтар, миға шабуыл сияқты заманауи әдістерді қолдану тәжірибесі қарастырылды. Сонымен қатар, ол білім беру саласында жасанды интеллект технологияларын пайдаланудың маңыздылығына тоқталып, оқыту процесін жетілдіру мен білім алушылар үшін курстардың қолжетімділігін арттырудағы артықшылықтарын атап өтті.
Осындай семинарлардың өткізілуі университеттің профессорлық-оқытушылық құрамының кәсіби деңгейін арттыруға, педагогикалық құзыреттерін дамытуға және жоғары оқу орнындағы білім беру процесін ұйымдастырудың ерекшеліктерін терең түсінуге мүмкіндік береді. Бұл өз кезегінде дәріс пен семинар сабақтарын жоғары деңгейде дайындау мен өткізуді қамтамасыз етіп, университеттің білім беру сапасын арттыруға ықпал етеді.