«Жаһандық замандағы психотерапия және психологиялық кеңес беру» тақырыбындағы халықаралық ғылыми-әдістемелік конференция

Іс-шараны «Q University», «Қазақ психологиялық қоғамы» (ҚПО), Азиялық психотерапия федерациясы, Бүкілресейлік кәсіби психотерапевттер лигасы және Халықаралық ғылыми психотерапия академиясы ұйымдастырды.

Пленарлық отырысты «Q University» ректоры Айсулу Джанегизова мен ғылым және инновациялар жөніндегі проректор Рашид Рузанов ашты. Басты баяндамашылар қатарында – профессор Александр Катков(Ресей), доктор Алена Чернова (Иркутск), доцент Ляззат Көмекбаева және психология ғылымдарының кандидаты Сәуле Идилева (Қазақстан), сондай-ақ Өзбекстан мен Беларусь мамандары болды.

Баяндамалар қазіргі психотехнологиялар, жасанды интеллектіні психологиялық кеңес беруде қолдану, стресс-менеджмент, денеге бағытталған тәсілдер және кәсіби стандарттарды дамыту тақырыптарын қамтыды.

Сол күні үш секция жұмыс істеді: «Ғылыми психотерапия жетістіктері», «Тектану және психологиялық кеңес беру», «Психотерапия мен кеңес берудегі инновациялық тәсілдер». Секциялар аясында балаларға дағдарыстық көмек көрсету, этномәдени ерекшеліктер, эмоционалды интеллектіні дамыту және кәсіби күйзелістің алдын алу мәселелері талқыланды.

Бағдарламаның қорытынды кезеңінде Қазақстан, Ресей және Өзбекстан мамандарының қатысуымен шеберлік сыныптары өтті. Олар когнитивті-мінез-құлықтық терапия, суицидалды мінез-құлықпен жұмыс, эмоционалды-образды терапия және денеге бағытталған тәсілдер бойынша тәжірибе алмасты.

Конференция психотерапия мен психологиялық кеңес беру саласындағы халықаралық ынтымақтастықты нығайтумен және нәтижелі пікірталастармен аяқталды.