«KTZ Express» АҚ филиалы – «KTZE Оңтүстік» бойынша операциялық қамтамасыз ету және техникалық саясат жөніндегі директордың орынбасары Жұманов Азат Убайдуллаұлы қонақ дәрісі
2025 жылғы 5 қарашада «KTZ Express» АҚ филиалы – «KTZE Оңтүстік» бойынша операциялық қамтамасыз ету және техникалық саясат жөніндегі директордың орынбасары Жұманов Азат Убайдуллаұлы «IT және қызметтер» академиялық мектебінің 1–2 курс студенттеріне арналған қонақ дәрісін өткізді.
Дәріс тақырыбы – «Мультимодальды контейнерлік тасымалдар: теміржол, теңіз және автокөлік синергиясы».
Іс-шараға «Ақпараттық-бағдарламалық жүйелер», «Тасымалдауды ұйымдастыру, қозғалыс және көлікті пайдалану» білім беру бағдарламаларының студенттері, сондай-ақ академиялық мектептің жетекшісі мен профессорлық-оқытушылық құрамы қатысты.
Мұндай қонақ дәрістер студенттерге саладағы нақты тәжірибемен танысуға, теориялық білімді практикалық мысалдармен ұштастыруға және көлік-логистика саласында болашақ кәсіби бағыттарын айқындауға мүмкіндік береді.
Жұманов Азат Убайдуллаұлы студенттерге мультимодальды тасымалдардың заманауи үрдістері, логистикалық тізбектердің тиімділігін арттыру және көлікті цифрландыру бағыттары туралы пайдалы ақпарат ұсынды.
Q University және «IT және Қызметтер» академиялық мектебі өз алғыстарын білдіріп, Азат Жұманов мырзаға практикалық білім беруге қосқан үлесі мен студенттердің кәсіби дамуына жасаған қолдауы үшін ризашылығын жеткізді.