2025 жылдың 20 наурызында Алматы облысы бойынша Экономикалық тергеу департаментінің қызметкерлерімен бірлесіп ұйымдастырылған «Заң» академиялық мектебінің студенттеріне қонақтық дәріс өткізілді.
Іс-шара құқықтық сауаттылықты арттыруға және экономикалық қылмыстармен күресудің практикалық аспектілерімен таныстыруға бағытталған.
Іс-шараға Алматы облысы бойынша Экономикалық тергеу департаментінің білікті мамандары: Әділбеков Даурен Теміртайұлы – ТЖД 2-ші тергеу басқармасының орынбасары, Аглаков Берік Аманғалиұлы – Аса маңызды істер бойынша 2-жедел бөлімінің қызметкері, Еркінқызы Меруерт – ІІБ-ның ұйымдық-құқықтық бақылау бөлімінің қызметкері, Адырбаева Айнұр Далалқызы – Әкімшілік бөлімінің бас маманы.
Отырыс барысында департамент мамандары өз қызметінің негізгі бағыттарына тоқталып, қаржылық алаяқтық, сыбайлас жемқорлық схемалары мен заңсыз баюды анықтау әдістерін ашты. Экономикалық қауіпсіздік саласындағы өзекті мәселелерге, сондай-ақ олардың алдын алудың заңнамалық тетіктеріне ерекше назар аударылды.
Студенттер сұрақтар қоюға, нақты өмірден алынған тергеу мысалдарын талқылауға және саладағы мансаптық перспективалар туралы білуге мүмкіндік алды. Дәріс болашақ мамандардың арасында құқық қорғау органдарының қаржылық қылмыстар саласындағы жұмысы туралы терең түсінік қалыптастыруға және оқу орындары мен мемлекеттік органдар арасындағы ынтымақтастықты нығайтуға ықпал етті.
Қазақша
Русский
English
